AD
雷士(02222)话复牌又复唔到,到依家都已经近一个星期都系无乜着落,期间更加系消息不断,仲话一班员工同经销商同现有管理层已经倾掂数,随时可以畀前董事长吴长江 复工
不过传闻传传下又好似无咗下落,依家又有新版本,话说一众经销商觉得现有管理层只系得个讲字,口就系应承,但其实系忽悠佢地,有经销商极不耐烦,话如果管理层仲系无反应的更,一班经销商就会自己生产自家品牌产品,对抗返雷士产品,据闻呢班经销商仲话搞好个品牌之后,佢地会搵吴长江返嚟主持大局 呢套 商界大逼宫 嘅剧情真系愈来愈有趣!
淘宝每日新店量多过执笠数
近几年小记身边唔少朋友都做咗 淘友 (唔系蒲友) 所谓 淘友 ,就系成日上 淘宝网 嘅网友,一上去就发现有千百万间网店畀客人买唔同种类 由食饭到瞓觉都用得嘅产品 做网上生意听落几好,又唔系好需要成本,可以小本经营,只要够勤力都可以搵餐饭食 但原来网上生意都系你睇人好 人睇你好,由于竞争太大同埋需要长期对住部电脑,好多店主都顶唔顺呢种压力而选择 执笠 ,据统计每日就有成万间商店关门大吉 一日执一万间铺头好似几吓人咁,但其实每日开新店嘅人数原来仲多过执笠,真系 有人执笠赖阿里(巴巴),有人漏夜赶商场
